صبحية مع الرب


02 May
02May
إعلان خاص

بصباح هالأحد المبارك برفعلك يا ربّ كل التسابيح بفعل حبّ كبير وإيمان ثابت فيك.

لأول وهلة منحسّك إنت وعم تطرح السؤال عا بطرس إذا بيحبّك، متل كأنّك عم بتلومو أو عم تحرجو، هوي اللي نكرك ٣ مرّات.

بس إنت يا ربّ ما توقّفت عند هالنكران ولا عند ضعف بطرس والرسل، لأنّك وحدك اللي بتعرف إنو الإنسان ضعيف بذاتو وما فيه قوّة إلّا معك.

يا ربّي يسوع، إنت فتت لعمق إنسان بطرس الصادق والتايب واللي كان عم بيفتّش عن الحقيقة الكاملة وشافا فيك.

بطرس اللي تشجّع وتقوّى بكلامك وتأكّد إنّو من دونك يا ربّ الإنسان رح يبقى بمتاهات صحرا هالعالم.


يا ربّ، نحنا منحبّك، بس يمكن ما عم نعرف نترجم هالحبّ.

علّمنا كيف تكون إنت الحجر الأساس لحياتنا، وكيف نقبل ذاتنا كعطيّة منّك، ونتعلّم منّك إنّو نترجم حبّنا لإلك من خلال محبّتنا للآخرين.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.