27 Apr
27Apr
إعلان خاص

بصباح هالنهار المبارك، منسبّحك ومنمجّدك، يا ربّ، مع الرسول سمعان.

منمجّدك يا ربّ مع هالتلميذ اللي عرف كيف يمشي بالرسالة اللي دعيتو لإلها، وعرف كيف يترجما بالفعل وبالقول بحياتو عا هالأرض.

منمجّدك يا ربّ، مع سمعان قريبك اللي، رغم الأخطار، كنت انت قوتو وسندو وخلاصو.

انت اللي امرت البحر والريح والجبال تا تكون متل الحمل الوديع بين ايديك.

منمجّدك ، ياربّ، مع الرسول سمعان قرايبك اللي آمن فيك لاقصى الدرجات حتى وصل بثباتو بالايمان فيك حتى الاستشهاد بأصعب ظروف حياتو.

يا ربّ، انت اللي لا بتنعس ولا بتنام، حاضر معنا لنواجه، بقوة الروح، كل المحن والتجارب اللي منواجها.

يا ربّ، كلنا ثقة بإنّك حاملنا بين ايديك بوجّ كلّ التجارب لأنّك بيّ حنون ورحوم وما بتنسى ولادك.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.