صبحية مع الرب

مين في غيرك خبز الحياة يا ربّ؟ ومين متلك بيعطي الميّ الحيّ يا نبع الحياة؟ ما حدا!انت اللي قدمتلنا ذاتك غذا تا ما نعتاز شي وما تقوى علينا التجارب.


انت اللي طعميت الاف الناس الجوعانين من كم خبزة وكم سمكة.


انت اللي شفيت المرضى واحييت الموتى وغطيت النقص بعرس قانا الجليل.

انت اللي ما بتهملنا نحنا ولادك يا ربّ، وبتعرف كل اللي نحنا بحاجة الو وبتعطينا ياها وقتا منسألك.

انت اللي ما وعدتنا بالغنى المادي، ولا بالمراكز ولا بالتسلّط، لأنن كل هودي منن من مملكتكانت اللي وعدتنا انّك تعطينا خبزنا كفاف يومنا وما بتحرمنا منو ابدا.

كنزنا الوحيد يا ربّي يسوع هوي انت، لقمة واحدة منّك بتسدّلنا جوعنا لأننا كلنا عنّا الثقة والرجا بأنّك بتسدّ كل جوع وكل عطش وكل فراغ فينا.


/الخوري يوسف بركات/