صبحية مع الرب


18 Apr
18Apr
إعلان خاص

بصباح هالأحد المبارك، بسبّحك وبمجدك يا ربي يسوع.

غريب يا ربّ كيف من بعد ما فسّرت الأحداث اللي صارت معك لتلميذي عماوس، من الامك وموتك وقيامتك، عا ضوء الكتاب المقدس، ومن بعد ما كسرت الخبز وناولتن، تحولت حياتن من يأس لرجا، ومن حزن لسعادة ومن انسحاب لشهادة حيّة.

خارجيًّا، ما تغيّر شي عا تلميذي عماوس، بس عيونن وقلوبن هيي اللي تحوّلت وانفتحت وعرفوك انّك الربّ والإله القائم من بين الأموات.

وهيك نحنا عم بيصير معنا يا ربّ، كل ما الخطية عم تتملّك فينا كل ما عم نبتعد عنّك وما عم منعود نشوف الا الظلمة والضياع اللي سبّبتن الخطية.

بس ايماننا كتير كبير فيك يا ربّ، واستسلامنا بين ايديك هوي اللي خلانا نرجع نلتقي فيك ونشوفك ونلمس حضورك فينا ويتحوّل ليل ظلمتنا لنور ورجا، ونرجع نعيش حقيقة قيامتك بحياتنا وبمجتمعنا.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.