صبحية مع الرب


09 Apr
09Apr
إعلان خاص

صباح السلام الجايي من نور قيامتك يا ربّي يسوع.

بقيامتك يا ربّ حقّقت السلام اللي كان الانسان بعيد عنّو، وثبّتلنا إنّك انتي سلامنا.


سلامك يا ربّي يسوع هوي دعوة تا نتّحد فيك وفيه منبني علاقة حقيقية وصادقة معك.


بموتك عالصليب، يا ربّ، صالحتنا مع الله الآب، وبقيامتك منحتنا الغفران ورجّعتلنا علاقة البنوّة اللي فقدناها بسبب خطايانا اللي بعّدتنا عنّك وشرّدتنا وضيّعتنا بمتاهات هالعالم الفاني.


بقيامتك يا ربّ نلنا الخلاص اللي رجّعنا للحقيقة الاساسية. ولو شو ما صار منبقى ولادك، وما علينا الا اننا نقبل هالخلاص بالغفران لبعضنا البعض وبطلب المغفرة منك ومن بعضنا لبعض.


بقيامتك يا ربّي يسوع رجعتلنا الحياة الابدية من بعد ما كنّا عا بواب الموت الابدي.

واقل شي لازم نعملو اننا نعرف نعيش الشهادة الحقيقية لقيامتك بحياتنا اليومية.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.