صبحية مع الرب


09 Apr
09Apr
إعلان خاص

بسبّحك يا ربّ وبمجّدك بصباح هالنهار المبارك، إنت اللي ما بتتعب ولا بتملّ من إنّك تظهرلنا بطرق مختلفة.

من بعد ما ظهرت لتلاميذك عدة مرات، بشوفك اليوم، يا رب، عم تظهرلن بالنهاية هنّي ومتخبّايين بالعلّية، وتعاتبن عا قلة إيمانن وتبيّنلن إنّو كان لازم هيك يصير إنّك تتألّم وتموت وباليوم التالت تقوم.

قيامتك يا ربّ كانت وبعدا حدث فريد من نوعو لأنّها صارت حقيقة متجسّدة بكلّ إنسان مآمن فيك ربّ ومعلّم وإله ما بيموت.


واليوم ضلّو الرسل منن مآمنين بقيامتك من بعد ما صارت بس تأكّدو منها لمّن لمسوك، ونحنا متل هالرسل، رغم إنّك عم تظهرلنا، ورغم إنّك عم بتجسّدلنا حدث آلامك وموتك وقيامتك كل يوم بالءفخارستا، بعدنا ما عنّا هالإيمان الثابت فيك.

زيدنا إيمان بقيامتك يا ربّ الحياة.



/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.