صبحية مع الرب

بهالصباح المبارك بسبّحك يا ربّي يسوع القايم من الموت مع العدرا مريم أم الرجا.

مع مريم العدرا، هالانسانة الوحيدة اللي ما استسلمت ولا لحظة لليأس من موتك عالصليب بمجّدك يا ربّ.

مع مريم العدرا، هالانسانة الوحيدة اللي كان عندا كل الثقة بكلامك عن قيامتك من بين الاموات، بعظّمك يا الهي الحبيب.

مع مريم العدرا، هالانسانة الوحيدة اللي كان كلّ همّا إنّها تشجّع التلاميذ وتدعيهم للثبات بتعاليمك وليقبلو حدث الموت كعبور معك لعندك.

ونحنا كمان يا ربّ، رح نترك الروح القدس يصلّي فينا ويثبّتنا بإيماننا ويرسلنا للشهادة والاستشهاد اليومي عن حبّ الذات وحبّ العالم تا نعرف نعيش فرح القيامة معك وبين بعضنا البعض.

ومع العدرا مريم ام الرجا بدنا نشكرك يا ربّ لأنّك عطيتنا ذاتك زاد وزوادة لحياتنا معك.


/الخوري يوسف بركات/