صبحية مع الرب


31 Mar
31Mar
إعلان خاص

يا ربّ، الخوف من الفشل بيبقى هوي الخطر اليومي بحياتنا. دايما منخاف من انّو تفشل أعمالنا وتتراجع أرباحنا المادّية والمعنوية.

وممكن يكون السبب هوي عدم الالتزام بايماننا، ومنضيع شو نختار.

منخاف من اننا نكون صادقين، ومنصير نتفنّن بالكذبة ونلوّنا تا تصير "كذبة بيضا" تا ما حدا ينزعج منّا، متل ما عمل قيافا، عظيم الأحبار، فيك وحلّل قتلك بكذبة كبيرة بإنّو خلاص للشعب.

ومنتناسى اننا ابناء الحق وانو الكذب بيبقى كذب، والفساد فساد، والغش غش، والقتل قتل والشرّ بيبقى شرّ.

ومع هيدا وكلّو، يا ربنا اختبرت، وبعدك عم تختبر، ظلمنا نحنا البشر تجاهك، وقبلت الحكم عليك وقدّمت دمّك فدية عن خطايانا، وغفرت ليللي حكمو عليك وفتحت الطريق قدامنا تا ما نخاف من الموت ونثبت فيك، انت الحياة اللي غلبت الموت.


يمكن نكون اوقات ظالمين واوقات مظلومين، قوي ضعفنا يا رب تا نعرف نختارك ملك ومخلص لحياتنا.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.