صبحية مع الرب


24 Mar
24Mar
إعلان خاص

بهالنهار المميّز، واللي منعيّد فيه عيد البشارة مع العدرا مريم ام الكلّ، منسبّحك ومنمجّدك يا ربّ.

بهالنهار منتذكر الحدث لمن بعتت ملاكك يا ربّ لعند هالصبية المليانة من نعمك تا يبشّرا بالحبل الالهي فيك واللي فيه رح تتجسّد وتصير انسان متلنا.

قديشك عظيم يا ربّ تا اخترت هالانسانة الرائعة بالتواضع والشفافية لدرجة انها قدرت تستوعب دورا بمشروعك الخلاصي وتجسّدو بحياتا.قديشك عظيم يا ربّ تا تختار مريم العدرا، الانسانة العايشة البساطة بملآا، تا تِكْبَر معا كإنسان وتنما عا ايديها بالتقوى والاجتهاد والتأمل بخلايقك.


قديشك مميّزة يا مريم عند الربّ تا اختارك انّك تكوني بيت القربان يسكن فيه حامل خطايا العالم.قديشك رائعة يا عدرا تا قبلتي بإيمان وبفرح بشارة الملاك الخيالية لإلك وجسّدتي هالايمان بالقول وبالفعل.


ويننا نحنا من ايمانك يا عدرا؟ يا ريت عنا جزء منو.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.