صبحية مع الرب


20 Mar
20Mar
إعلان خاص

مع بداية هالصباح المبارك، بسبّحك وبمجّدك يا ربّي يسوع اللي كلّك حبّ وحنان ورحمة.

قديشو ضجيج هالدني قوي تا يسكّتلنا دينينا وما نعيد نسمع منيح صوتك الهادي يا ربّ؟

قديش مغريات الدني وملذّاتا عم تعصف بمجتمعنا وعم بتدقّ وتوصل عا قلوبنا وكل كياننا؟

وإنت عالباب يا ربّ، وبوابنا مقفلينا عنّك، عم تهمس بصوت مليان محبة وإحترام :

"افتحولي إذا بتحبّو، حابب فوت وأسكن بقلوبكن".

إنت اللي جايي تا تخلقنا من جديد، رسل حقيقيين نعكس مجد قيامتك بالعالم العايشين فيه، وعم تلتزم شخصيًّا فينا وتشيل الخطية اللي سكّرتلنا دينينا وما خلتنا نصغي لكلامك.

ونحنا اليوم جايين لعندك، متل هالأخرس والأصمّ، تا تحط كلامك بقلوبنا ونتجاوب معك ونتأمّلك بصمت وتملّينا من حبّك المليان رحمة.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.