صبحية مع الرب

بهالنهار المميّز، واللي فيه منتذكّر ومنعيّد بعيد القديس البار والصامت، مار يوسف، بسبّحك يا رب.

منشكرك عا هالقديس البار، مار يوسف اللي ما تهرّب عند وقت الأزمة، لا بل بقي ثابت معك يا ربّ.

منشكرك عا هالقديس المصغي، مار يوسف اللي كان يعرف يسلّم قلبو وفكرو لكلامك المليان رجا.

منشكرك عا هالقديس الصدّيق، مار يوسف اللي كان ماشي بحسب تعاليمك كل حياتو.

منشكرك عا هالقدّيس البتول، مار يوسف اللي تخلّى عن مشروعو تا يفوت بمشروعك الخلاصي.

منشكرك عا هالقدّيس المطيع، مار يوسف اللي ما كان عندو شك ولا لحظة بتوجيهات الملاك إلو.


بالآخر بدنا نشكرك يا ربّ عا هالقديّس العظيم، مار يوسف البيّ الحنون والصالح والحاضر بحياتك يا ربّ اللي عشتا عا هالأرض، واللي كان عا قد المستوى بالمحافظة عا عيلتك الأرضية، وبتربيتك الإنسانيّة عا حبّ الآب السماوي.


/الخوري يوسف بركات/