صبحية مع الرب


16 Mar
16Mar
إعلان خاص


عظيم إنت يا رب اللي بتعطي معنى للحياة، ومش بس بتعطيها معنى، لا بل أنت وحدك القادر أنك تحيي الأموات.

عظيم إنت يا ربّ اللي بتقلب كل المقاييس وبتتخطّى كل مفاهيمنا وتوقّعاتنا بهالحياة.

عظيم إنت يا ربّ اللي تدخّلت ومن فيض حبّك وحنانك وحياتك سكبت الحياة بهالشبّ الميت.

عظيم إنت يا ربّ اللي حوّلت حزن الناس ودموعن لآندهاش وفرح وتمجيد لألله.

عظيم إنت يا ربّ اللي بتملك سلطان الآب، وجملة واحدة منّك كانت كافية إنّو الشبّ الميت يعيش.

عظيم إنت يا ربّ اللي بكلمة منّك إمتلا الشبّ إيمان فيك، هوي اللي ما حكي شي لأنّو بيحيا فيك.

مع هالشبّ الوحيد لإمّو، جايين لعندك، بكل أمراضنا وأوجاعنا وآلامنا وأحزاننا وتعبنا، تايبين، وكلنا ثقة فيك بإنّك قادر على شفاءنا الروحي قبل الجسدي، وبدوا واحد هوي التوبة والصلاة والمحبة.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.