صبحية مع الرب


13 Mar
13Mar
إعلان خاص

اليوم بهالأحد المبارك واللي فيه عم تردّ للمخلّع قيمتو بالمجتمع، بدنا نشكرك يا ربّ.

منشكرك لانّنا بفعل العماد صرنا ابناء الكنيسة اللي بتحملّك الخاطيين والمخلّعين من ورا الخطية.

منشكرك لأننا بفعل المعمودية منمارس الاسرار اللي بترجّعنا عن خطايانا.

منشكرك لأنّك انت خلاصنا الوحيد، وفيك منلاقي الحياة. منشكرك عا كلامك وشفاءاتك اللي فيها بتعبّرلنا عن حبّك لإلنا.

منشكرك لأنّك بتهتم فينا وبتشفي ارواحنا الضعيفة وبتنقي قلوبنا. منشكرك لأنّك بتغفرلنا خطايانا وبتقبل توبتنا.

منشكرك عا هالزمن المقدّس اللي فيه بتدفعنا بحبّ للتوبة الحقيقية اللي بتفتحلنا باب الحياة معك.

منشكرك عا كل انسان حطيتو بدربنا تا نكون شهود لمحبتك قدامو ورسل سلام للعالم.

وبالآخر منشكرك لأنّك رجانا وهدفنا بالحياة.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.