صبحية مع الرب


10 Mar
10Mar
إعلان خاص

بصبّحك يا ربّي يسوع بقلب عم ينما بالإيمان.

حتّى عبد قائد المئة، هالإنسان الغير يهودي، تحنّنت عليه وشفيتو يا ربّ لأنّك ما بتميّز بحبّك ورحمتك للبشر.

كل همّك خلاص الإنسان ، كل إنسان.
قائد المئة، اللي كان كل اليهود يحترموه لأنّو كان يحبّن، ما إستحى وإجا بإيمان لعندك يا ربّ تا تشفيلو خادمو، لأنّو شافك وحدك الطبيب الشافي.

هالقائد العظيم بإيمانو علّمنا وبيعلّمنا درس كبير بالإيمان، نحنا اللي منعتبر حالنا مؤمنين فيك.

علّمنا كيف نحطّ كل ثقتنا فيك بكل أمورنا الحياتيّة والروحيّة.

هالقائد العظيم بتواضعو، بيعلّمنا كيف نتواضع ونتنازل عن كبرياءنا، متل ما هوي عمل، تا نستحق نكون معك بالوقت اللي بتدعينا فيه.

بهالصوم المبارك رح نفتح قلوبنا عا حبّك تا تشفينا من إنغلاقنا على ذاتنا، ونعرف نحبّك بصدق ونحمل هالحبّ لكل الناس.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.