صبحية مع الرب

الخطيّة بتعمينا لأنها بتغشيلنا النور اللي زرعتو فينا يا رب.

ببداية الخلق خلقت النور للإنسان تا يتنوّر منّو، واليوم عم تخلق الأعمى من جديد من خلال عينيه اللي رح يشوفو النور بعد الظلمة الطويلة.

اليوم حضورك وإيديك عطيو نور النعمة لهالأعمى وسكبت من روحك بروحو نسمة حياة إلهيّة.

ولمن شفيت الأعمى يا رب، رفع عينيه صوب نورك وصار ينما بالنور وأكيد رح بيروح يخبٍر كل اللي عايش معن.

ونحنا اللي عايشين بظلام الخطية، إشفينا منّها يا رب.

بدنا نرفع عيوننا صوب نورك ونترفّع عن العالم بكل محبة، ونحملك لكل إنسان منلتقي فيك بالفرح والحب اللي مناخدن من نورك اللي بيفيض فينا.


منشكرك يا ربّ لأنّك عاطينا إمّك العدرا مريم تا تدلنا عليك يا نبع النور والحياة والشفاء.

/الخوري يوسف بركات/