صبحية مع الرب


07 Mar
07Mar
إعلان خاص

بسبّحك يا ربّ وبمجّدك بهالأحد المبارك اللي فيه بتبيّنلنا رحمتك ومحبّتك العظيمة.

يا ربّ، إنت المحبّة الكاملة واللي تجسّدت بهالبيّ اللي ما كان هدفو إلاّ إنّو ولادو يعيشو بحريّة وبمحبّة.

وإنت اللي بدّك يانا نعيش إخوة، بالكنيسة الواحدة، بعيلة واحدة ولادا بيحبّو بعضن، وبيسامحو بعضن إذا حدا أخطأ ، ويوقفو حد بعضن.

إنت اللي بدك يانا نعيش الفرح والسلام بين بعضنا وتزهّر حياتنا عطاء ومحبّة وحياة وننتصر عالموت الداخلي اللي بيحاول يعيّشنا البغض والحسد.

إنت اللي بتحبّنا لشخصنا ومش لمالنا او لجمالنا أو لعلمنا، وبتحبّنا بضعفنا ومحدوديّتنا وناطرنا دايماً تا نرجع لعندك بفعل توبة صادق.

واليوم دورنا نحنا إننا نحبّك من كل قلبنا وفكرنا، ونعيش الحريّة الحقيقيّة المليانة حبّ وفرح وسلام وطمأنينة ورجا فيك.


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.