صبحية مع الرب


27 Feb
27Feb


مع كل طلعة فجر نهار جديد بعلن إيماني فيك يا رب.

"آمنوا بالله"! قديشنا نحنا بعاد عن هالفعل يا ربّي يسوع، وقديشنا بكتير من الأوقات أفعالنا ما عم تعكس إيماننا فيك.

مينشان هيك عم بيكون إيماننا ضعيف ومهزهز عند كل تجربة بتعترضنا، وعند كل تدخل من الشرير بحياتنا تا يبعدنا عنك.

ومش بس عم بتدعينا إننا نآمن فيك يا ربّ، كمان عم تشدّد علينا تا ما نشكّ بقدرتك على صنع المعجزات بحياتنا، وهلى إننا نحنا بدورنا قادرين، بنعمة روحك القدوس، نتشبّه فيك.

يا ربّي يسوع، نحنا عارفين إننا ما منقدر نكون اللي عم بتقولو لأننا متمسكين بأنانيتنا، ما عم نعرف نعيش الصلاة معك، ولا عم نعرف نلتقي فيك اللقاء الحقيقي، والأهم إننا ما عم نعرف نغفر من كل قلوبنا.
ليش؟

لأنو ما عم بيكون عنا الإيمان الحقيقي فيك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.