صبحية مع الرب


23 Feb
23Feb


يا إلهي الحبيب، ما أجمل صباحي لمّن بيتنوّر بنور كلمتك.

كلامك يا رب كلّو حكم ونصايح بتعطينا ياهن تا تعلّمنا من خلالن إنّو كل واحد وواحدة منا فيه يكون وفيه ما يكون صالح لأهل بيتو، علينا نحنا إننا نختار.

والأخلاق الحلوة اللي بتدعينا إننا نعيشا مع كل إنسان منلتقي فيه هيي إنت منبعا وهيي من صلب علاقتنا فيك، لبسناها من وقت ما تعمّدنا.

نحنا كلنا إيمان إنّك إنت اللي عطيتنا العطايا الصالحة يا رب وإنك إله الرحمة، ليش تا نعيش الحسد ونروح ندين إخوتنا.

والخشبة اللي بعيوننا، تعا وشيلن يا رب بِحبّك، تا نرجع نستعيد بصيرتنا ونقدر نشوف إنّو قريبنا، ولو كانو خاطي، هوي كمان إبنك بتحبّو متل كل إنسان لأنو محبتك بتتخطى الخطيّة وبتجسّد التسامح والمغفرة.
فليش ما منعيش هالمحبة تجاهن؟


/الخوري يوسف بركات/

Social media khoddam El rab


تعليقات
* لن يتم نشر هذا البريد الإلكتروني على الموقع.