صبحية مع الرب


11 Feb
11Feb


بسبّحك يا ربّي يسوع، ببداية هالنهار، بصباح كلّو ثقة فيك إنّك حاضر بتفاصيل حياتنا.

منسمعك يا ربّ عم تطلب منّا إننا نوثق فيك وما يكون إنشغالنا بالأمور الأرضية ولا تكون الدنيويات هيي الأولى بإهتماماتنا، لا بل تكون إنت يا ربّ بيّنا، وتكون الكل بالكل لأنّك وحدك اللي بتعرف كل إحتياجاتنا قبل ما نسألك.

منتأمّل بعنايتك الإلهيّة بمخلوقاتك اللي بتمجدك مع كلّ طلعة نهار.

منتأمل بالغربان وبكل الطيور اللي ما بتزرع ولا بتحصد ولا بتخزّن أكلا ولا بتفكر تعيش إلا كل لحظة بلحظتا لأنها عندا ثقة فيك إنّك ما بتتركا.

منتأمّل بالزنابق وبالأزهار، اللي خلقتا يا رب تا تعطي جمالية للطبيعة، والموجودة بالحقل من دون ما تتعذب لأنها بتوثق بإهتمامك فيا بكل الطرق.


لمن منتأمل بكل الطبيعة يا ربّ ما فينا إلاّ ما نمجّدك ونحط كل ثقتنا فيك إنّك حاضر معنا وما بتتركنا.


/الخوري يوسف بركات/
أضغط هنا... للإنتقال إلى صفحاتنا على سوشيال ميديا

تعليقات
* لن يتم نشر هذا البريد الإلكتروني على الموقع.