صبحية مع الرب


10 Feb
10Feb


صباحي بيبتدي بحمدك وتسبيحك يا رب السما والأرض.

منشكرك يا رب عا كلامك اللي بتعلّمنا فيه إننا نعيش القناعة اللي هيي فيها تكون كنز لإلنا إذا نحنا بدنا.

بسمعك اليوم يا رب عم بتحذّرنا من الطمع لأنو حياتنا هيي مش بأموالنا ولو كانت كتيري.


بتعلّمنا يا رب كيف نغتني فيك، وفيك وحدك منلاقي السعادة والسلام والراحة.

يا ربّي يسوع، ما تخلّي حبّ الرّبح يتملّك ويسيطر عا قلوبنا وعقولنا وما نعيد نعرف كيف نعيش الغنى الحقيقي فيك، متل ما عمل الجاهل وفكّر إنّو بتجميع المال بيحصل عا حياة ما فيها قلق، بس نسي إنّو الموت هوّي مفتاح مهم تا نكتشف المعنى الحقيقي للحياة.


شو رح نستفيد من تخزين الخيرات والمواهب اللي عاطينا ياها؟ كلّن رح يبقو محلن إذا ما عرفنا أحسنّا إستعمالن لخيرنا وخير الآخرين.


/الخوري يوسف بركات/
أضغط هنا... للإنتقال إلى صفحاتنا على سوشيال ميديا

تعليقات
* لن يتم نشر هذا البريد الإلكتروني على الموقع.