صبحية مع الرب


05 Feb
05Feb


صباح المحبة اللي ما إلها حدود هوي صباحي معك اليوم يا رب.

دايماً تعاليمك يا ربّي يسوع ما بتفوت بالعقل، وهيدا مش غريب علينا نحنا المؤمنين، بينما ليللي عم بيعيشو متل اليهود وشريعتن رح بتكون تعاليم غريبة ومستحيلة تنعاش.


انو كيف ممكن حدا بيجي يأذيني وما ردّلو الكف كفين؟

كيف بدّي اتخلى عن شي بحبو كرمال حدا فقير طلبو منّي او محتاج لالو حتى لو ما طلبو؟كيف ما بدي ساعد الفقير بالمال او بالعقل وما مدّلو ايدي وكون سند لإلو؟

والسؤال الأصعب هوي كيف بدي حبّ الناس اللي ما بيحبونا، وما بس هيك، بيكرهني ان كان رفيق أو عدوّ؟

صحيح هودي صعبين كتير يا ربّ، بس بالنهاية معك ما في شي مستحيل.


معك، يا ربّ، وبقوة روحك القدّوس، منقدر نتخطى المستحيل ونسعى للكمال اللي عم تدعينا عليه.


/الخوري يوسف بركات/

أضغط هنا... للإنتقال إلى صفحاتنا على سوشيال ميديا

تعليقات
* لن يتم نشر هذا البريد الإلكتروني على الموقع.