صبحية مع الرب


02 Feb
02Feb


بصباح هالعيد المبارك بصبّحك يا ربّ بتسابيح سمعان الشيخ وحنّة النبيّة اللي كانو ناطرين مجدك.

بأول حدث منشوفك يا ربّي يسوع طفل صغير مع مريم امّك ويوسف البتول عم بيقدموك للهيكل تقدمة للربّ تا تخلّص شعبك، ونحنا منّن، من الخطية والضياع.

بتاني حدث منتأملك، يا ربّ، عم بتحقق طلب سمعان الشيخ الجليل اللي طلبو منّك انّو يشوفك قبل ما يموت، وبسمعو عم بيسبّحك بأجمل نشيد شكر وتعظيم.

وبتالت حدث بتاخدنا حنّة النبيّة لعالمك اللي فيه رح تعطي الفرح للابرار والصديقين اللي عاشو كل حياتن بصراع ضدّ تجارب الشرير، وقدرو بقوة روحك القدوس انّن يتغلبو عليه وعا ذاتن وينالو الميراث المُعَدّ لإلن من قبلك.

ومع سمعان الشيخ وحنّة النبيّة منقدملك ذواتنا وحياتنا وما فيها من اقوال وأفعال كصورة عنك وتعبير عن حبنا لإلك.

ونحنا رح بيكون عنا طلب متل هالنبين: اننا نموت قديسين ما نكون بعاد عنك.


/الخوري يوسف بركات/

أضغط هنا... للإنتقال إلى صفحاتنا على سوشيال ميديا


إعلان خاص


تعليقات
* لن يتم نشر هذا البريد الإلكتروني على الموقع.