صبحية مع الرب


17 Jan
17Jan


بصباح هالأحد الفارح، بسبّحك وبمجدك يا رب السما والأرض.

منسبّحك، يا يسوع، مع القديس أنطونيوس الكبير، بيّ الرهبان، اللي تجرّد عن كل شي تا يكون معك ويعبّرلك عن حبّو لإلك بحياة نسكيّة تمجّد إسمك.

منمجّدك يا رب مع القديس أنطونيوس اللي سمع كلامك وعمل متل ما عملو رسلك اللي تركو كل شي ولحقوك لأنّن شافو فيك حمل الله.

منعظّمك مع أول رسولين آمنو فيك، بعد العدرا مريم إمّك، وتبعوك، تاركين يوحنا وتعاليمو تا يلحقوك انتي الكنز الحقيقي يا ربّي يسوع.

منباركك يا رب، مع القديس الرسول أندراوس اللي كان همّو يوصّلك بفرح لخيّو بطرس ولكل اللي التقى فيون، لأنّو شاف فيك الفرح والسلام والأمان.

ومتل القديس أنطونيوس الكبير والرسل، منسمعك يا ربّ عم تختار كل واحد وواحدة منّا تا نمشي معك درب القداسة ولو معبّدة بالصلبان، وكلنا إيمان وثقة إنّك حاملا عنّا ونحنا عم نساعدك بحملا من خلال أعمالنا وأقوالنا اللي بترضي قلبك القدّوس.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.