صبحية مع الرب


28 Dec
28Dec


صباح الفرح فيك وبولادتك يا ملك الملوك وربّ الأرباب يسوع المسيح.

بتأمّلك اليوم يا ربّ بالمغارة نايم بالمذود والمجوس جايين يقدمولك الهدايا اللي بتعبّر عن فرحتن فيك وإعترافن بألوهيتك وإنسانيتك وملوكيتك يا ربّي يسوع.

بتخيّل أول واحد بالمجوس التلاتة راكع وعم بيقدّملك البخور ويحرق منّو شوي قدّامك تا تتقبّل تقدمتو يا إله الآلهة.

بتأمّل بتاني شخص من المجوس التلاتة منحني بتواضع وعم بيقدّملك الذهب اللي بيليق فيك يا ملك الملوك.

بغوص بالتأمّل بتالت واحد.
من المجوس اللي عم يعترف فيك وبتجسّدك كإنسان ويقدّملك المرّ تا يأكّد عا حياة التواضع والتقشّف اللي رح بتعيشا كإنسان وإنت الإله.

وبالأخير، إعتبرني يا ربّ المجوس الرابع اللي ضيّع الطريق ورا أنانيتو وراجع يقدّملك قلبو تعبيراً عن حبّو لإلك يا كل المحبّة.

/الخوري يوسف بركات/

تعليقات
* لن يتم نشر هذا البريد الإلكتروني على الموقع.