صبحية مع الرب


26 Dec
26Dec


بسبّحك يا ربّ بهالصباح المبارك، مع القديس أسطفانوس، صباح الشهادة حتى الإستشهاد.

مع القدّيس أسطفانوس منتعلّم كيف بيكون الإستشهاد المسيحي، فيه تخلّي عن حبّ ذاتنا والتفاتة للآخر.

مع الشهيد أسطفانوس منتعلّم إنّو الإستشهاد فيه أمانة لدعوتك يا ربّ لإلنا، فيه مسامحة ومحبّة ومغفرة.

مع القديس أسطفانوس وأوّل الشهدا منتعلّم كيف منشيل التديّن المزيّف، المبني عالكبريا، تا نحط محلّو التواضع الحقيقي.

بتعلّمنا يا ربّ، من خلال القدّيس أسطفانوس، كيف تكون أفعالنا مراية تعكس صورتك للعالم.

منشكرك يا ربّ على إنّك عم تنبّهنا من خلال القدّيس الشهيد أسطفانوس إنّو مسيحيّتنا هيي مش حبر عا ورق، ولا تأدية واجب، ولا تشاوف.

حياتنا هيي إنت يا ربّ، والموت بكلّ أنواعو هوي ربح لإلنا لأنو هوّي إستعداد للقاءك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.