صبحية مع الرب


26 Dec
26Dec


شو حلوة الوعية بكير نحنا وعم نتأمّل فيكي يا عدرا إنتي وحاملة الطفل يسوع بين إيديكي!

بدنا نهنّيكي بهالصباح بولادة إبنك يسوع "المخلّص" اللي لولاه ما كان للحياة معنى.


بدنا نفرح معك بالمولود الجديد اللي بولادتو فرحت الدني كلّا، حتى السما، والملايكة اللي فيا هللولو.


بدنا نعيّد معك يا إمنا مريم عيد ميلاد الربّ اللي بولادتو صار الله بيناتنا.


بدنا نشكرك يا مريم لأنّك حملتي الربّ يسوع ببطنك ٩ أشهر وحافظتي عا قداسة حياتك.


بدنا نكرّمك يا إم الله لأنّك تحمّلتي صعوبات الحياة اللي واجهتيا تا تحافظي عالربّ، بأمانة، هوّي وببطنك.

ومعك يا مريم بدنا نشكر الله اللي ءختارك تا تكوني إمّو بالجسد ومنّك يولد ويصير بشر متلنا.

معك يا أحلى إم بدنا نشكر الله اللي ملّاكي نِعَمْ وحضّرك من قبل ما تخلقي تا تكوني عروس الروح القدس.

يا عدرا، يا أحلى وأغلى إمّ... منحبّك ومنطلب شفاعتك.


/الخوري يوسف بركات/

تعليقات
* لن يتم نشر هذا البريد الإلكتروني على الموقع.