هيدا هوي العيد، اليوم، عيد ميلادك يا ربّي يسوع؟إيه وبإيمان بعلن إنّو هيدا عيدك، عيد تجسّدك بيناتنا يا ربّ.
إيه وبإيمان بعلن إنّو هيدا عيدك، رغم كل شي عم بيصير معنا واللي عم نمرق فيه من صعوبات ومن آلام يا ربّ.
ايه وبإيمان بعلن انّو هيدا عيدك، رغم كل الظلم والكراهية اللي صاير بين البشر يا ربّ.
إيه وبإيمان بعلن إنّو هيدا عيدك، رغم كل الكفر اللي عم يلحقك وكلّ التردّد والشك اللي بقلوب البشر يا ربّ.
إيه وبإيمان بعلن إنّو هيدا عيدك، رغم كل السموم اللي عم تنكب بالدواوين وبجلسات الأصحاب يا رب.
إيه هيدا عيدك، رغم كلّ الإنقسامات والخلافات بين الناس يا ربّ.
والسبب الجوهري والوحيد هوّي إنّو بميلادك إنتصر الرجا عاليأس، والمحبّة عالكراهية، والإيمان عالشكّ.
بميلادك اليوم بآمن إنّك "عمانوئيل"، الله معنا، وما بتتركنا.
/الخوري يوسف بركات/
