صبحية مع الرب


18 Dec
18Dec


صباح الحياة يا ينبوع الحياة، ربّنا يسوع المسيح.
منوقف بإندهاش يا ربّ قدّام سرّك وحكمتك، ومنقدّملك ذاتنا ذبيحة حيّة ومقدّسة.

وكل اللي عنّا ياه من معرفة او مواهب او نعم هوي منك
فا ما لازم نتكبّر ونتفاخر فيا، لا بل نحطا بخدمتك وخدمة الكنيسة، جسدك السري.

وهالحقيقة بتضوّيلنا عليها اليوم لمّن بتقلنا وبتأكّدلنا انّك الماء الحي، هالميّ، الروح القدس، اللي بتدعينا تا نسمحلو، نحنا العطشانين الو، إنو يتفجّر فينا ينابيع ما بتنشّف.

إنت اللي عطيتنا روحك القدوس يا ربّ وقتا تعمّدنا تا يرويلنا عطشنا وعطش العالم كلو الك.

نوّر يا ربّ طريقنا معك تا نكتشف كل الوزنات اللي سلمتنا ياهن، مش تا نتفاخر فيون، لا بل نوظّفن بخدمة المحتاج، متل ما قدمت ذاتك ذبيحة مقبولة لبيّك السماوي كرمالنا.

ونحنا يا ربّ ما رح نكتفي انّا نقدّملك شو عنا، لا بل اكتر من هيك، رح نقدّملك ذاتنا كلّا تا تكون هيي كمان ذبيحة بترضيك.



/الخوري يوسف بركات/

تعليقات
* لن يتم نشر هذا البريد الإلكتروني على الموقع.