صباح الخيرات المليان من نعمك هوي صباحي بهالنهار الشاتي يا ربّ.
إيماني فيك يا ربّ، هوي ايمان هالشعب البسيط اللي آمن واعترف فيك وبأعمالك، ومش ايمان هالعلما والكهنة اليهود اللي رفضوك وحاولو انن يقبضو عليك.
وأنا بآمن انّك بعدك موجود معنا وما بتتركنا، رغم كل ضياعنا وضعفنا، وبآمن انّك عم تدعينا تا نكون معك مطرح ما انتي مع بيّك السماوي، هالمكان اللي ما ممكن حدا ينوجد فيه الا اللي بيآمن فيك وبيصدّق كلامك وبيثبّت هالإيمان بحياتو عا هالارض تا يستحق هالمكان وهاللقاء.
مع اننا ما كتير منوعا عا اهمّية اسرارك يا ربّ، بس اكيد نحنا منآمن فيك ومنستسلم لحكمتك اللي من خلالا بتريد الخلاص لكل انسان.
كمان يا ربّ دعوتك بتشمل اخوتنا اللي بعاد عنّك وانت بتعرف انّن ضايعين وعايشين بفراغ اسمو "الدليل"، تا ينشال الغشاء عن عيون قلوبن ويرجعولك.
/الخوري يوسف بركات/
