HTML مخصص
كتار النوايا يا مار شربل اليوم.
قديش بدك تلحق…
كل الناس عم تطلب وإنت بفرح عم بتوصل ليسوع.
نيّال السما فيك ونيّال الأرض فيك بأعاجيبك كتروا المؤمنين.
إنت بي حنون ما فيك تسمع أنين موجوع إلّا ما تمدلّو إيدك وتتشفّع عند يسوع.
شكراً من القلب لأن بكل ٢٢ من الشهر وبكل عيد من أعيادك بتكون موجود بين الناس عم تسمع همومن وجروحاتن وتبلسم بحنانك وعطفك كل يلي بيطلب شفاعتك.
ما تتركنا تشفع فينا عند حبيبك يسوع أحمي لبنانك وجيشو وعيالنا وكل العالم ونور عقول شبيبتنا وكون معن دايماً تشفع لكل مريض موجوع.
نوّر عقول حكامنا تيحكموا بعدل متل ما وصاهن يسوع. آمــــــــــــين.
