الله معكن...
بيقول أحد الحكماء لمّا كان عمري ٥٠ سنة فكّرت إنّو أكتر تلاتي بوجّعوا هنّي: الطّعن بالظّهر يعني الغدر، والحكي بالظّهر يعني النّميمة، والهوا بالظّهر يعني التّعرّض لشبقة هواء.
لمّا صار عمري ٧٥ إكتشفت إنّو أقسى أنواع الألم ممكن سببهن تلاتي: رحيل الأحبّة على غفلة بلا ما يعطوا خبر، حقد القرايب لأنّو متل لسعة العقارب، وغدر الأصدقاء لأنّي كنت مقتنع إنّو الصّديق وقت الضّيق.
الزّوّادة بتقلّي وبتقلّك :
على طول حطّ حالك بموقع الشّخص يلّي بوجّك، ما تقلّو كلام ما بتحبّ ينقال إلك، ولا تسمح إنّو يتعرّض لإهانة ما بتقبلها لنفسك، ولا تحطّو بموقف حرج ما بتحبّ إنّك تكون إنت فيه، والله معك.
المصدر : صوت المحبّة
