الله معكن...
بيخبّروا عن معلمة تربية مدنيّة طلبت من تلاميذها يحدّدولها مين هوّي المتكبّر ويسلّموها الإجابة بعد أسبوع.
أحد الطلّاب عمل أبحاث كتيرة وكان كتير مشغول بالبحث على الإنترنت وغرقان بين الكتب، بيتقدّم منّو جدّو المتقدّم بالسّن بكلّ لطافة بيسألو شو عم تعمل؟
قلّو عم فتّش عن تحديد للمتكبّر ممكن تساعدني؟
بيقلّو الجدّ المتكبّرين نوعين، الأوّل هنّي يلّي بيقعدوا على كتاف النّاس وبقولوا إنهن مبصرين أبعد منّهن، والتّاني هوّي يلّي بيوقف على راس الجبل بيشوف النّاس زغار وما بيعرف إنّو هنّي عم بيشوفوه كمان زغير.
الزّوّادة بتقلّي وبتقلّك :
تواضع الربّ بيرفعك، وتعلّم من الربّ يسوع يلّي غسّل إجرين تلاميذو، صار بمستوى العبد لحتّى يرفعنا لمستوى الألوهة ويساعدنا لننتصر على ضعفنا البشريّ، والله معكن.
المصدر : صوت المحبّة
