اللي يفهم الستر و جماله لا يتمنى و لا يطلب غيره ..


➕ أوّلهم ستر البركة :

إنّ ربنا يخلّي أي قليل معاك مهما كان يكفيك و يغنيك و يرضيك.



➕ ستر الغفران :
إنّ ربنا يهدي قلبك للتوبة و يسامحك عن غلطاتك ، و يكفيك شر الفضيحة و التأديب.



➕ ستر من مذلّة المرض :

لمّا ربنا يحميك من تعب أو لمّا يسمح لك إنّك تمرض يوفقك لطبيب أمين و علاج ناجح من غير ما تتبهدل أو تتحوج لحد.




➕ستر من حوجة الجوع : ‏
لمّا اللي معاك يكفيك تشبع و إنت راضي حتّى من أبسط لقمة.




➕ستر من ذل الإكتئاب :

لمّا تعرف تضحك وإنت حزين ، و تبقى شاكر و تعدّي الوجع و إنت رافع راسك.




➕ ستر من ذلّ الحوجة و مدّ الإيد :
لمّا ربنا يرزقك بشغل حتّى لو بسيط يكفيك و يرضيك ..




➕ستر الأسر و البيوت :
لمّا ربنا يرزقك شريك حياة من إيده بيحبك ، شبعان وفاهمك وواقف في ضهرك وشايل الهمّ معاك.




➕ ستر من تعب رباية الأولاد :

لمّا يريّح قلبك على ولادك و يبارك لك في أخلاقهم وتعليمهم و مستقبلهم و بيوتهم.




➕ ستر الحلول :
يعني المشكلة تيجي و معاها سرعة الحل اللي يريح قلبك و ينيمك مرتاح البال.


يا رب إله الستر إسترني و لا تحوجني.

خادمة الربّ ن. غ.
خدّام الرب ®