هذا ما قاله قدس الأب مجدي العلاّوي :


"المجد لله..

الرحمة ثمَّ الرحمة ثمَّ الرحمة...بعصرنا الحالي الشيطان مستشرس، ما بدو أعمال رحمة وما بدو يبيّن عمل ألله، ما بدو حضور ألله، ما بدو ايانا نحب ألله أو نحكي عنّو أو نساعد ونرحم ولادو.

هيدي مش أول مرة الشر بيحارب الكنيسة وجمعيتنا وهالمرة الشيطان عم يحاربنا من خلال أشخاص عندن إيد طايلة بهالبلد.

الأم تريزا كتير تحاربت واضطُهدِت بس ما تركت خيّا الإنسان وضلت تحارب من أجل إنو يعيش بكرامة بعيد عن الفقر والذل.

كرمال هيك بقول لهالأشخاص إني مش ممكن إتخلى عن الناس اللي الرب حطّن عدربي حتى ساعدن، هالوديعة اللي سلمني اياها يسوع حتى إحميها ودافع عنّا.

رح ضل ساعدن لآخر يوم بحياتي لأنو الرب ما بيقبل إني إهملن أو خلّيهن عايشين بالذل، من هيك عم رمّم أماكن إلن تيعيشوا فيا بكرامتن.

يلي تناست وفشلت الدولة تعملو جايي هلأ تحاسبني كيف عم بعملو؟

سألوني بمين بدك تتصل؟ مع مين بدك تحكي؟ أنا حكيت مع بيي.. أنا دعمي من فوق.. أنا قوي بالذي يقويني.. "أريد رحمة لا ذبيحة"..


خادم جمعية السماء الأب مجدي العلاوي"

خدّام الرب ®