الله معك...
يَوم كان خروتشيف عم يِلقي كِلمتو الشَّهيرَة إدانة لعهد ستالين، سِمِع صَوت بالقاعة :
«وَين كِنت يا سَيِّد خروتشيف يوم كانو هالأبرِيا عَم يِنقِتلو؟»
توقَّف خروتشيف وقال :
«يَعمِل مَعروف اللي حِكي يوقَف».
ما حدا وِقِف.
ساعِتها قال خروتشيف :
«هَيك بتكونو حَصَلتو عَ الجواب، كِنت يَومها بنَفس ظُروف اللي حِكِي مِن شوَيّ».
الزوّادة بتقلّي وبتقلَّك :
ما تخاف وما تِستَهوِن بالقوِّة يَللي بداخلَك، جاهِر بالحقّ وقول : أنا قويٌّ بالَّذي يُقوّيني. والله معك.
المصدر : صوت المحبّة
