الله معك...
شاب غِلِب بَيّو بإقناعو للدخول عَ الكنيسِة فلَمّا إقتَنَع دَخَل، وكان الكاهِن عَم يوعَظ فقال بخِتام حَديثو : نُقطَة عَ السَّطُر وسَكَت ورِجِع كَمَّل القِدّاس.
ومِن وَقتها صار هالشاب يداوِم عَ الإشتِراك بالقدّاس، بس لمّا يرجع للبيت بيصير يبكي ويذرُف الدموع.
فسأَلو بَيّو عن السبب فقال :
«تمَنَّيت يَوم، حَطّ نُقطة لحياتي الماضيِة وبَلِّش حياة جديدة عَ سَطر جديد عَ صفحة بَيضا ما فيها سواد».
الزوّادة بتقلّي وبتقلَّك :
الحياة تلات أقسام : ماضي حاضِر ومُستَقبَل.
إستَفيد مِن الماضي لَتعيش الحاضِر ومِن الحاضِر لتِبني المُستَقبَل. والله معك.
المصدر : صوت المحبّة
