الله معك...

سعيد هوّي ملك كان لقبو ملك المستقبل، لأنّو هَمّو الوحيد كان إنّو يفَتِّش عن أشخاص قادرين يُقرو المستقبل.

بيَوم عِرِف إنّو في رجّال إسمو أبو ابراهيم مُمكِن يفيدو، سأل : 

«قدّيش بياخُد مصاري؟». 

قالولو: «ولا شي، بس ببعض الأوقات بيِقبَل قمح».

حَمَّل الملك كميِّة كبيرة من القمح وراح لعندو، وقبل ما يسألو قَلّو :

«إذا سمحت تقبَل مِنّي هالقمحات».

«بعتذر يا خيّي، بيجاوب أبو إبراهيم، عندي قمح بيِكفيني اليوم».



الزوّادة بتقلّي وبتقلَّك :

يا خَيّي ما تِهتَمّ ببُكرا، خَلّي بُكرا يهتَم بحالو، ولا تِستَهوِن بالحاضِر لأنّو الحاضِر شو ما حِمِل إلَك، هُوّي كَنزَك. والله معك.

المصدر : صوت المحبّة