الله معك...


كِلنا منَعرِف إنّو مقياس البَشَر وتِقديرهُن مِش دايماً مطابِق للحقيقَة.

إسمَع زوّادة اليوم :

انسَأل أحَدهُن :
- مين بيِستحِقّ لَقَب العاقِل؟

جاوَب :
- الشخص اللي بيلاقي شي يتعَلَّمو من أيّ إنسان تاني.


وانسَأل مِن جديد :
- ومين بيِستحِقّ لَقَب الغَني؟

وجاوَب :

- هويّ الإنسان المِقتِنِع بِحالو.


ورِجِع انسَأل :      

- ومين بيِتمَتَّع بالإحتِرام؟

قال :

- هوّي اللي بيِحتِرِم كِلّ خَليقَة مِن خلايق ألله.


شو قَولَك اليوم نعيد النَظَر بِمَقاييسنا، ونخَلّيها تصير مطابقة للحقيقَة؟ والله معك.

المصدر : صوت المحبّة