الله معك...
بيخَبّرو إنّو رئيس أحد البلدان قرَّر يِجمَع تبَرُّعات للعمّال العاطلين عن العَمَل، والأجمل من هَيك قَرَّر يبَلِّش بالحاشيِة تَبَعو.
حِمِل البُرنَيْطَة ودار عَ أعضاء المَجلِس الحُكومي، بعد ما دارِت البُرنَيْطَة علَيُن رِجعِت فاضيِة ، فشَكَر الرَبّ لأنّو البُرنَيْطَة مَرَقِت بوَسَط هَيك جماعَة ورِجعِت فاضيِة.
الزوّادة بتقلّي وبتقلّك :
لمّا بيُنطَلَب مِنَّك مُساعَدِة ما تتأخَّر، تذَكَّر إنّو الربّ قَلَّك :
مجّانًا أخَذتُم مجّانًا أعطوا. والله معك.
المصدر : صوت المحبّة
