الله معك...
قال شاب عُمرو ٢٠ سنة :
- لمّا كان عُمري ١٦ سنة، كِنت أكيد إنّو بَيّي ما بيَعرِف شي ، وهلَّق، ولمّا صار عُمري ٢٠ سنه، أنا مِتعَجِّب إنّي شوف قدَّيش تعَلَّم بَيّي بأربع سنين.
الزوّادة بتقلّي وبتقلَّك :
مرّات كتيرِة، نِحنا كمان منلاقي الباقيين ما بيَعرفو شي لأنّو نحنا ما عنّا النُضج الكافي حتَّى نِقبَل مَعرِفِة الآخَر.
الزوّادة بتِدعينا اليوم إنّو نحاوِل نِكبَر، ويِكبَر قلبنا، رَح نتفاجأ لمّا نشوف كيف كِلّ اللي حوالَينا صارو أكبَر وأفهَم وأنضَج، وكيف صُرنا قادرين نتعَلَّم مِن بعضنا. والله معك.
المصدر : صوت المحبّة
