الله معك...
قصِّة اليوم بتعود للتقليد الهندي وبالتَّحديد للجبال الهنديِّة.
(حدث هذا بجبل من جبال الهند العالية سنة ١٩٣٠)
كان في رِجّال وَثَني عَندو مَيل بإيمانو للدّين المسيحي إنَّما كان بَعدو متعَلِّق بالعادات الوَثَنِيِّة وخُرافاتها، شاف بالمنام حَشَرات القلق غَطِّت كِلّ جِسمو، حاوَل يشيلُن بس فِشِل واستَسلَم فَبَلَّشِت تمتَصّ دَمّو... ظَهَر عليه بالحلم كاهِن جَليل طَلَب مِنّو يصَلّي ويصوم وما يِستَسلِم، صام وصَلّى والحَشَرات اختَفِت.
الصُبُح خَبَّر أحد المُرسَلين ببلادو وطَلَب مِنّو الإنضمام للمسيحيِّة فَبيعَلّمو المُرسَل وبيعَمدو.
لَمّا كانو عم بيقومو بزيارة لمركز الرئيس، ولَمّا كان في إحتفال، بيقوم الهندي الهندي بيشير لَلمُرسَل بإنّو اللي ظَهَرلو هوّي الشخص الفُلاني، فَبيِتعَجَّب المُرسَل وبيخَبِّر الأب الرئيس فبيِستَدعي الكاهِن وبيِسألو إذا زار شي يوم هالضيعة ، فبيِنفي هالشي أو إذا بيَعرِف حَدا فيها فبيِنفي كمان.
وبيِسألو إذا ذَكَرها بِصَلاتو فبيِجيب :
بصَلّي دايمًا لأجل إهتِداء الوَثَنِيّين بمراكِز رسالِتنا.
وهَيك مَضّى الكاهِن حياتو من دون ما يعرِف بالمُعجِزِة اللي حَقَّقها الربّ مِن خِلال صَلَواتو.
الزوّادة بتذَكِّرني وبتذَكّرَك :
بقَول الكتاب المقدَّس : كُلّ ما تَطلُبونَهُ في الصَّلاة تَنالونَهُ. والله معك.
المصدر : صوت المحبّة
