الله معك...
بيخَبّرو عن شَبّ تَقي كان يفوت كِلّ يَوم عالكنيسِة قبل ما يروح عَ الجامعَة ، وبعد عَودتو، بيِتفاجأ كِلّ يَوم بيشوف رِجّال ختيار قاعِد قدّام المَصلوب عَم يِبتِسِملو ويِتطَلَّع فيه.
بيَوم مِن الإيّام إجا لعَندو وقَلّو :
«أكيد إنتَ عَم بِتصَلّي بَس شو عَم بتقِلّو للربّ؟».
جاوَب :
«وَلا شي أنا بِبتِسِملو وبشوفو بِدَورو عَم يِبتِسِملي، بْقِلّو أنا بحِبَّك بيجاوِبني أنا كمان بحِبَّك».
الزوّادة بتقلّي وبتقلَّك :
في كتار بالحياة بيِشحَدو مِش عَيب إذا ما عطَيناهُن مَصاري بَس عَيب ما نَعطيهُن إبتسامِة وحُبّ. والله معك.
المصدر : صوت المحبّة
