الله معك...
جنّاز، عجقة، أحاديث، ضَجِّة وبِكي... واحَد بيِسأل التاني :
«قولَك، قدَّيش تارِكلُن؟»
التاني بيجاوِب :
«كِلّ شي».
الزوّادة بتقلّي وبتقلَّك :
بَس تموت رَح تِترُك كِلّ شي :
الإشيا الحلوِة والإشيا البِشعَة، الأضرار اللي تسَبَّب فيها طبعنا، والفَرَح اللي نِمي مِن محَبِّتنا.
رَح نِترُك كِلّ شي وَرانا، القناديل اللي تَرَكناها مُطفِيِّة، والقناديل اللي كَسَرناها.
الزوّادة بتِنصَحكُن لمّا بَدكُن تفِلّو اترِكو وراكُن عُطُر حِلو بهالكون. والله معك.
المصدر : صوت المحبّة
