"شوف قدّيش بحبّك، نزلت لعندك تا كون حدك وعيش معك واعطيك السلام.
بصيامو، عطاني قيمة لصيامي وسلطة على حواسي وعلى افكاري وأعمالي، وعلّمني كيف سيطر عا حالي.
بتجاربو اللي مرق فيها عطاني الرب يسوع نعمة الثبات فيه والسلطان على اني اتغلّب عالشيطان.
بٱلامو فتحلي الباب تا شاركو بٱلامي وأوجاعي وأحزاني وغيّرلا كلّ معانيها.
بصلبو صلب الخطية اللي فيي.
بموتو دعاني تا أقتل الأنانية اللي فيي.
وختم كل شي بقيامتو من الموت تا يقلّي من جديد شوف يا انسان قدّيش بحبّك، ما تركتك ولا بتركك، ما تفزع أنا معك.
قوم يا انسان!!!! قوم مع المسيح المنتصر على الموت.
قوم وانطلق بمجد القيامة.
قوم بفرح النتصار، قوم بفرح ما الو حدود، قوم وما ترجع لإنسانك القديم لأنّك اليوم صرت انسان جديد، صرت رسول السلام، ومش حيللا سلام، سلام المسيح القائم من الموت، صرت صورة حب الله عالأرض.
