الله معك...
مَرّا التَقى متفَلسِف وفَيلَسوف.
بيِسأل المِتفَلسِف الفَيلَسوف :
«مُمكِن تخَبِّرني لَيش الله خَلَق للإنسان عَينتَين تنَين»؟
جاوَب وقال :
«لحَتّى يشوف الخير بعين والشرّ بعين ويختار الخير أكيد».
«ولَيش خَلَقلو إيدتَين وإجرتَين ودَينتَين»؟
وكان لَكِلّ سؤال جواب.
بالأخير بيِسألو :
«طَيِّب لَيش خَلَقلو قلب واحد»؟
جاوَب :
«لحتَّى يطوف بهالدِني ويِلتقي بالقلب التاني، وهيك بيصيرو جسد واحَد بقَلبَين أو قَلب واحَد بجَسَدَين».
الزوّادة بتقلّي وبتقلَّك :
إذا بَعدو قلبَك ناقِص ما لازِم تتأخَّر، لازِم تفَتِّش ع نُصّو التّاني وهَيك إنتَ ويّاه بتصيرو واحَد بقَلبَين، وقَلبَين بواحَد. والله معك.
المصدر : صوت المحبّة
