الله معك...
أحد الأشخاص بلَّش يِنتِقِد راهبات محَصَّنات متعبّدات كانو مقيمين بمنطق بتَعرِف يسوع المسيح.
بيَوم مِن الإيّام توجَّه لعَندُن وسَألُن :
«بها السنين يَللي قَضَّيتوها بهالمنطقَة كَم شخص عَمَّدتو؟»
جاوَبوه :
«وَلا شخص، ما عَمَّدنا حَدا، إنَّما بالنِسبِة لإلنا بيِكفينا إنّو المَسيح حاضِر بالقربان ببيت زغير بهالمنطقَة، وبيِكفي إنّنا منآمِن بحُضور المسيح هَون، وما بَدنا أبدًا أكتَر مِن هَيك، وهوّي بيِهتَمّ بالباقي».
الزوّادة بتنَبِّهني وبِتنَبّهَك :
بالحياة اليوميِّة ما تُطلُب الآيات والخوارِق.
لازِم نعيش ببساطة لأنّو المسيح ما بيُطلُب إنّو نِحكي عَنّو ونَعمِل الخوارِق إنَّما نعيشو بالمُحيط المَوجودين فيه. والله معك.
المصدر : صوت المحبّة
