الله معك...
وَلَد زغير بيِلتقي بالطريق برجل عجوز عندو حردَبِّة بضهرو، بيسألو :
«شو هيدا يللي ع ضهرك ؟»
بيجاوب العجوز :
«هَيدي حردبِّة»
بيرِدّ الولد وبيقول :
«لأ هَيدي مِش حردبِّة هَيدي عِلبِة فيا جوانِح، ولمّا بتموت بتِنفِتِح العُلبِة وبيِحملوك الجوانِح عَ السما».
الزوّادة بتقلّي وبتقلَّك :
كِلّ واحَد مِنّا في عندو علبة عَ ضَهرو وصَليب عَ كِتفو ، نيّالنا إذا منَعرِف نِحمِلهُن بصَبر وإيمان لحتَّى يكونو جوانِح لإلنا ونطير فِيُن عَ السما. والله معك.
المصدر : صوت المحبّة
