زمَن المسؤوليَّة : إسم كتاب بيِلفُت إنتباهنا لمسؤوليِّة جديدة : المسؤوليِّة عند الشّراء.
عَ كِتِر ما منِشتري اللي ما إلو لزوم والكماليّات، صارِت قدرتنا عَ الشِّراء مغلوطَة.
نحنا بالأحرى عايزين هوا نَقي، مَي نقيِّة، صمت، مُدُن بدون عُنف، وقت فراغ أكبر... إنَّما هَودي كِلُّن ما منقدَر نشتريهُن وما منِتذَكَّرُن وسط وجود سِلَع تافهة، مَنظَرها وَحدو اللي حِلو.
الأهمّ والأغلى ما بينشرى.
شاه إيران مات من مرض السرطان وما كان أبداً فقير. ومتلو كتار.
الحُبّ ما بيِنشرى، ولا شروق الشمس. ونحنا بكلّ عمى قلب، كرمالنا منُركُض ورا السِّلَع الأرضيِّة يَللي بتبهِرنا، إنَّما ما بيصُحّ إلّا الصَّحيح.
الزوّادة بتقلّي وبتقلَّك :
انتِبِه كانو يقولو : أنا أُفَكِّر إذاً أنا موجود؛ ما تخَلّيُن اليوم يقولوا : أنا أشتَري إذاً أنا موجود. والله معك.
