الله معك...
بيخَبّرو عن رجّال كان مارِق عَ الطَريق، وبيشوف بِنت زغيرِة لابسِة تياب مخَزَّقَة عَم تِشحَد.
بيقول بِقَلبو : «يا ربّ لَيش سَمَحت بهالشي، بترَجّاك عمول شي».
عَشِيِّة، لَـمّا بيِرجَع عَ البيت، بيشوف عَ الأخبار أطفال كمان عَم بيعانو من الجوع، وقدّام هالمَشهَد بيُصرُخ للربّ وبيقِلّو :
«لَيش هَلقَدّ في فُقُر، لَيش ما بتَعمُل شي؟».
وفجأة، سِمِع صوت عَم بيقِلّو :
«أنا خَلَقتَك، واليوم صار دَورَك إنتَ تَعمُل شي».
الزوّادة بتقلّي وبتقلَّك :
«بَدَل ما تِلعَن العتمة، ضَوّي عود كَبريت». والله معك.
المصدر : صوت المحبّة
