الله معك...
بالمدرسة لاحَظِت المعلمِة إنّو صَبي زغير بيِحمُل مَعو كِلّ يَوم محرِمتَين وبيحَطُّن قدّامو.
سألِتو بيَوم من الإيّام :
«لَشو هالمَحرِمتَين؟».
جاوَب :
«الأولى إذا عِزتها بِمسَح وِجّي أو إيدَيّي، والتانيِة إذا شِفِت حَدا عَم يِبكي بِمسَحلو أنا دموعو».
الزوّادة بتوَعّينا وبتِدعينا :
نكون عَ مِثال هالطُفُل، نفَكِّر بالآخر ونَعرِف دايمًا نِحسُب حساب الزِعلان ونِمسَحلو دموعو بكِلمِة، ببَسمِة، بِعَمَل أو خِدمِة. والله معك.
المصدر : صوت المحبّة
